Жас мамандарды қолдау: СҚО және Қостанай облыстарының өкілдерімен өткен кездесу қорытындысы.

2026 жылғы 3 ақпанда интернатура және резидентура түлектерінің Солтүстік Қазақстан және Қостанай облыстарының денсаулық сақтау басқармаларының басшылығымен және медициналық ұйым директорларымен кездесуі өтті. Болашақ дәрігерлерге бос жұмыс орындары туралы өзекті ақпарат пен өңірлерге білікті кадрларды тарту үшін енгізіліп жатқан әлеуметтік қолдаудың теңдессіз шаралары таныстырылды. Қостанай облысы: материалдық қолдауға басымдық Өңірде жаңа қызметкерлер үшін көтерме жәрдемақының айтарлықтай мөлшері белгіленген: • 5 000 000 теңге — қалалық жерге жұмысқа орналасқан жағдайда; • 7 000 000 теңге — ауылдық жерлер мен Арқалық қаласының мамандары үшін; • 8 500 000 теңге — шалғай аудандарды (400 км-ден астам) таңдаған дәрігерлер үшін. Солтүстік Қазақстан облысы: кешенді тәсіл және тұрғын үй СҚО елді мекендердің түріне қарай бөлінген жеңілдіктердің икемді жүйесін ұсынады. Қаладағы дәрігерлер үшін: • Төлемдер: бейінді мамандарға 3 500 000 теңге. • Тұрғын үй: жалдау ақысының 50%-ын өтеу (5 жылға дейін) немесе мамандандырылған «Дәрігерлер үйінен» тегін баспана беру. • Даму: біліктілікті арттыру шығындарын, соның ішінде шетелдік тағылымдамаларды толық төлеу. Ауылдық жердегі дәрігерлер үшін: • Төлемдер: 1 500 000 теңге (ЖТД) және 5 000 000 теңге (бейінді мамандар). • Үстемеақылар: ауылдық жерде жұмыс істегені үшін лауазымдық ақыға 25% үстеме + СТҚҚ (СКПН) төлемдері. • Тұрғын үй: ведомстволық баспана беру немесе жалдау ақысының 50%-ын бірлесіп төлеу (5 жылға дейін). • Даму: ұйым есебінен білім алу және біліктілікті арттыру мүмкіндігі, соның ішінде шетелде.