Мидың құпиялары: нейроннан санаға дейін

2026 жылғы 14 ақпанда анатомия кафедрасы курстарымен және психиатрия мен наркология кафедраларын біріктірген «Мидың құпиялары: нейроннан санаға дейін» атты бірлескен пәнаралық ғылыми-білім беру конференциясы өтті. Конференция жұмысына 2-курс студенттері, резиденттер және оқытушылар қатысты. Бұл іргелі және клиникалық медицина өкілдері арасында ғылыми диалог алаңын қалыптастыруға мүмкіндік берді. Іс-шара белсенді «сұрақ–жауап» сессиясымен өтетін жанды пікірталас форматында ұйымдастырылды. Бағдарлама аясында нейроғылымның кең ауқымды мәселелерін қамтитын баяндамалар ұсынылды: ми қыртысының цитоархитектоникасы мен гиппокамптың гистологиясынан бастап, зейін, жады және мотивацияның нейрофизиологиялық механизмдеріне дейін. Қатысушылар базальды ганглийлердің қозғалыс пен мотивацияны реттеудегі рөлін, префронталды қыртыстың когнитивтік функцияларын, ми сабауы мен оның тамырлы жүйесінің анатомиясын, сондай-ақ аутизм, депрессия және постковидтік бұзылыстар кезіндегі мидың құрылымдық өзгерістерін талқылады. Созылмалы стресс, ойынға тәуелділік және COVID-19 инфекциясының когнитивтік және психикалық қызметтері әсеріне арналған баяндамалар ерекше қызығушылық тудырды. Бағдарламаның маңызды бөлігін профессор-психиатрлардың Альцгеймер ауруы және мидың созылмалы ишемиясы кезіндегі психикалық бұзылыстар туралы заманауи ғылыми көзқарастарды таныстырған дәрістері құрады. Конференция жоғары ұйымдастырушылық және ғылыми деңгейде өтіп, болашақ денсаулық сақтау мамандарын даярлауда пәнаралық өзара әрекеттестіктің маңыздылығын айқындады. Ғылыми-білім беру форматы іргелі анатомиялық білімді меңгеруден бастап оны психиатриялық тәжірибеде клиникалық қолдануға дейінгі сабақтастықты көрсетті. Іс-шара соңында қатысушыларға сертификаттар табысталды