23 сәуір-Ұлттық кітап күніне арналған "Кітап – білім бұлағы" атты танымдық-кітапханалық сағатының есебі

Главная ❱

2025 жылғы 23 сәуір күні  ҚРМУ кітапханасының оқу залында  23 сәуір- Ұлттық кітап күніне арналған "Кітап – білім бұлағы" атты танымдық-кітапханалық сағаты өткізілді.  Іс-шараның  мақсаты – студент жастардың кітап оқуға деген қызығушылығын арттыру, рухани-мәдени дүниетанымын кеңейту және кітапханамен тығыз байланысты нығайту болды. Іс-шараға Стоматология факультетінің оқытушысы Қаржаубаева Маржанай Мұхитқызының басшылығымен жалпы саны 31 студент қатысты.
 Кітапханалық сағатты кітапханашы Арықбаева Айгүл  алғысөзбен ашып, қатысушыларды Ұлттық кітап күнімен құттықтады. Кітаптың адамзат өркениетіндегі маңызына, білім мен рухани дамудағы рөліне тоқталып, бұл мерекенің жастарды оқуға ынталандыруға бағытталғанын атап өтті. «Кітап – білім бұлағы, ғылым – өмір шырағы» деген халық даналығын мысалға келтіре отырып, кітаптың тек ақпарат көзі ғана емес, сонымен қатар тұлғаның ой-санасын дамытатын, өмірлік бағыт беретін рухани құрал екендігін ерекше атап өтті. Сонымен қатар, кітапхана қызметінің бүгінгі заман талабына сай дамып келе жатқанын, заманауи технологиялармен ұштасып, студенттерге қолжетімді әрі тартымды орта қалыптастырып отырғанын тілге тиек етті. 
 Шара барысында қатысушылар өздері оқыған кітаптар туралы ой бөлісіп, ұсыныстар жасады. Стоматология факультетінің 5-курс студенті Қорғанбай Сапарперде өзінің "Соңғы оқыған кітабым..." атты эссесін оқып, шығарманың мазмұны мен өзінің алған әсерін баяндады және өзі оқыған бірнеше кітаптарға тоқталып, қатысушыларға сол кітаптрады  оқуға кеңес берді. 5 курс студенті Калменов Талғат "Кітаптан алған әсерім..." айдары бойынша оқыған әдебиеттері жайлы жүрекжарды әңгімесін ортаға салып, оқырман ретінде өз көзқарасымен бөлісті.
Сонымен қатар, студенттерге бірнеше танымдық және интерактивті белсенділіктер ұсынылды:
•	"Құпия кітап" ойыны – бұл ойында студенттерге кітаптың мазмұны мен сипаттамасы бойынша қай кітап екендігін табу тапсырмасы берілді. Белсенді қатысқан студенттер шапшаңдығы мен әдеби сауаттылығын көрсетті. 
•	"Kahoot" платформасында онлайн-викторина – викторина сұрақтары қазақ және әлем әдебиеті, заманауи кітаптар мен танымал авторлар жайлы 10 сұрақ болды. Қатысушылар викторинаға аса қызығушылықпен, белсенді түрде қатысып өз білім деңгейінің жоғары екенін көрсетті.
•	"QR кітап – цифрлы дәуірдегі оқырман" - электронды кітаптармен таныстыру, кітаптарды онлайн оқу жолдары туралы түсіндіріліп, QR  код енгізілген кітаптардың Интерактивті көрмесі ұсынылды. 
 Кітапханалық сағат аясында «Стоматология пәніне арналған кітаптар» тақырыбындағы және «Жаңа кітаптар» көрмелері ұйымдастырылып, көрмеге қазіргі медициналық әдебиеттермен қатар, соңғы келіп түскен кітаптар қойылды.
Шара соңында ең белсенді қатысқан студенттерге арнайы сыйлықтар табысталды.

Казахстанско-Российский

Медицинский Университет

Основан в 1992 году

23 сәуір-Ұлттық кітап күніне арналған "Кітап – білім бұлағы" атты танымдық-кітапханалық сағатының есебі