«Қауіпсіздік білім арқылы: діни экстремизмге қарсы ақпараттық кампания»

Діни экстремизм мен терроризмнің жастар арасында алдын алу мақсатында 2025 жылғы 7 және 9 сәуірде Алматы қаласының Діни істер басқармасымен тығыз ынтымақтастық аясында ақпараттық-түсіндіру тобының мүшелерімен маңызды кездесу өткізілді. Кездесуді әл-Фараби атындағы ҚазҰУ-нің дінтану және мәдениеттану кафедрасының аға оқытушысы, философия докторы, PhD, дінтанушы Руслан Мейіржанұлы Сарсембаев және магистр, дінтанушы Сұлтан Мұрзахметұлы Абдрахманов өткізді. Кездесу барысында мамандар тыңдаушыларға деструктивті діни ағымдардың ерекшеліктері, сондай-ақ экстремистік және террористік ұйымдардың жақтастарын тарту үшін қолданатын психологиялық әдістері туралы толық мәлімет берді. Спикерлер жас адамдарды радикалды және қауіпті идеяларға сендіру үшін қолданылатын манипуляция мен жасырын әсер ету әдістері туралы түсіндірді. Сонымен қатар, қоғамдық қауіпсіздік пен мемлекеттің тұрақтылығын сақтауда діни конфессияаралық келісім мен діни көптүрлілікке құрмет көрсетудің маңыздылығы ерекше атап өтілді. Іс-шара барысында қатысушылар өздерін қызықтырған сұрақтарды қойып, оларға толық жауаптар алды. Сұрақтар профилактикалық әдістер мен қазіргі қоғамның діни қауіпсіздік саласындағы өзекті мәселелері туралы болды. Бұл іс-шара тек білім беру алаңы ғана емес, жастардың экстремизм мен терроризм мәселелеріне саналы көзқарас қалыптастыруға және конфессияаралық татулықтың қоғамның әл-ауқаты үшін маңыздылығын түсінуге бағытталған маңызды қадам болды.