Ішкі аурулар кафедрасы оқытушылары мен студенттерінің волонтерлік акциясы
2025 жылғы сәуір айында ішкі аурулар кафедрасының оқытушылары — Асимбек Б.А. мен Макулбекова С.К. — «Жалпы медицина» факультетінің 4-курс студенттерімен бірге қарттар мен мүмкіндігі шектеулі адамдарға арналған «Алтын жүрек» қамқорлық үйіне барды. Волонтерлер акциясы аясында қатысушылар мекеме қызметкерлеріне жүріп-тұруы қиын және төсекке таңылған науқастарға, соның ішінде деменциямен, Альцгеймер ауруымен, созылмалы аурулармен, инсульт салдарларымен өмір сүретін қарттарға, сондай-ақ паллиативті көмекке мұқтаж жандарға күтім көрсетуге көмектесті. Волонтерлер күнделікті тұрмыстық істерге белсенді қатысып, мейіргерлік күтім мен моральдық қолдау көрсетті. Мұндай бастамалар студенттердің кәсіби және этикалық дағдыларын дамытуға, жауапкершілік пен жанашырлық сезімін қалыптастыруға ықпал етеді, сондай-ақ халықтың осал топтарына әлеуметтік қолдаудың маңыздылығын көрсетеді.
