Шахмат турнирі

2025 жылғы 21–24 сәуір аралығында Алматы қаласындағы Еуразиялық Технологиялық Университет базасында «University Chess Cup» атты Республикалық университетаралық шахмат турнирі өтті.Аталған турнир Қазақстан Республикасының жетекші жоғары оқу орындарын таныстырған 34 команданы біріктіріп, студенттік шахмат әлеміндегі елеулі оқиғаға айналды. Жарыс Қазақстан шахмат федерациясы мен ҚР Ұлттық студенттік спорт одағы ұйымдастыруымен өтті. Турнирдің негізгі мақсаты — шахматты насихаттау, жастарды салауатты өмір салтына баулу және елдегі ең үздік университет командаларын анықтау болды. Университетіміздің «Chess Club» құрама командасы турнирге қатысып, команданың капитаны — Мусабек Абылайханның (Стоматология факультеті, 4-курс) жетекшілігімен өнер көрсетті. Команда құрамында: Бахытова Алия – Медицина, 1-курс Нұрдәулет Олжас – Стоматология, 1-курс Темиралы Бекболат – Фармация, 1-курс Қодири Хушдили – Медицина, 2-курс Оразова Ақжүніс – Стоматология, 2-курс Батурин Станислав – Жалпы медицина, 3-курс Исаенко Александр – Жалпы медицина, 4-курс Қиын бәсекеде Нұрдәулет Олжас пен Қодири Хушдили жекелей есепте жоғары нәтиже көрсетіп, тиісінше 2-орын және 3-орынды иеленді. 9 тур қорытындысы бойынша ҚРМУ-1 командасы жоғары деңгейдегі бәсекеге төтеп беріп, Satbayev University, Туран Университеті, АЭжБУ, Нархоз сияқты беделді жоғары оқу орындарын артқа тастап, жалпы есепте 19-орынды иеленді. Атап өтерлігі, ҚРМУ командасы техникалық және IT бағытындағы, әдетте фаворит саналатын жоғары оқу орындары арасынан суырылып шығып, лайықты нәтиже көрсетті.