Қазақстан халқы Ассамблеясы төрағасының орынбасарымен Достық үйіндегі кездесу

2025 жылғы 7 қарашада Достық үйінде Қазақстан халқы Ассамблеясы төрағасының орынбасары, Қазақстан Республикасы Президенті Әкімшілігі жанындағы ҚХА Хатшылығының меңгерушісі М.А.Азильханов қатысқан кездесу өтті. Іс-шараға Қазақстан-Ресей медициналық университетінің Студенттік Ассамблеясының жетекшісі Амангелді Бекзат шақырылған спикер ретінде қатысты. Кездесу барысында медиа, жасанды интеллект, цифрландыру және мәдениетаралық коммуникация салаларындағы жастар бастамаларын дамытуға бағытталған негізгі бағыттар талқыланды. Сондай-ақ студенттердің азаматтық белсенділігін қалыптастыру, жастар идеяларын жүзеге асыру мүмкіндіктерін кеңейту және ұлтаралық келісімді нығайту мәселелеріне ерекше көңіл бөлінді. Қатысушылар білім беру ұйымдары мен Қазақстан халқы Ассамблеясы арасындағы өзара іс-қимылды нығайтудың маңыздылығын атап өтті. Бұл жастар бастамаларының тұрақты дамуын қамтамасыз етіп, тиімді ынтымақтастық үшін жаңа платформалар құруға мүмкіндік береді