Кітапхана

Кітапхананың тарихы 1992 жылы Қазақстан-Ресей медициналық университеті ашылуынан басталады. Алғашқы кітап қоры шамамен 3 мың дана кітаптан тұрған және жоғары оқу орнының қалыптасуы мен дамуы тарихымен тығыз байланысты.

Қазіргі уақытта бұл – шамамен 600 мың дана басылымы бар, бай кітап қорымен қамтамасыз етілген заманауи кітапхана.

Кітапхана қоры бейіндік, іскерлік және көркем әдебиеттерден, сондай-ақ қазақ, орыс және ағылшын тілдеріндегі мерзімді басылымдардан тұрады.
Кітапхана пайдаланушылары отандық және шетелдік лицензиялық электрондық ресурстарға қол жеткізе алады.

Ережелер:

1. Бір данамен берілетін кітаптар, мерзімді басылымдар, энциклопедиялар, атластар, анықтамалықтар және сирек басылымдар үйге берілмейді — тек оқу залында пайдалануға болады.
2. Әдебиеттер студенттерге оқу семестріне, тиісті пәнді оқу кезеңіне немесе бір цикл мерзіміне беріледі.
3. Егер студент алдыңғы курс, семестр немесе цикл бойынша кітаптарды тапсырмаса, жаңа кітаптар берілмейді.
4. Оқу залынан кітаптарды алып шығуға қатаң тыйым салынады. Оқу залынан ұзақ уақытқа кеткен жағдайда, оқырман қолындағы кітаптарды кезекші кітапханашыға тапсыруы тиіс.

Оқырмандар міндетті:

1. Кітаптарға және басқа баспа өнімдеріне ұқыпты қарауға, оларды белгіленген мерзімде қайтаруға;
2. Ешқандай белгі қоймауға, астын сызбауға, беттерін жыртпауға немесе бүктемеуге, қордың орналасу тәртібін бұзбауға;
3. Кітапты жоғалтқан немесе бүлдірген жағдайда, оны дәл сондай кітаппен немесе кітапхана тең деп таныған басылыммен өтеуге;
4. Жазғы демалысқа шығар алдында өз атына тіркелген барлық кітаптарды тапсыруға. Жазғы демалыс кезінде кітаптар оқырманның жеке сұранысы бойынша беріледі.