Кітап оқуға деген қызығушылықты арттыру: КРМУ студенттері Ұлттық кітапханадағы кездесуге қатысты

2026 жылғы 20 қазанда Қазақстан-Ресей медициналық университетінің студенттері Қазақстан Республикасының Ұлттық кітапханасында өткен «Кітаптың шекарасы жоқ» («Книга не имеет границ») атты халықаралық жобаның аясындағы әдеби кездесуге қатысты. Іс-шара Ресей Федерациясының өкілдігінің қолдауымен ұйымдастырылып, ресейлік жазушылар Сергей Чекмаев пен Денис Килесовтің қатысуымен өтті. Кездесу барысында спикерлер кітап оқудың заманауи үрдістерін, дәстүрлі қағаз кітаптың маңызын, цифрлық платформалардың дамуын және жастар арасында әдебиетке деген қызығушылықты арттыру жолдарын талқылады. Студенттер қағаз кітап пен цифрлық форматтың артықшылықтары, болашақта оқырман мәдениетінің дамуы және әдебиеттің қазіргі қоғамдағы рөлі туралы пікір алмасуға мүмкіндік алды. Мұндай кездесулер жастардың интеллектуалдық әлеуетін дамытуға, дүниетанымын кеңейтуге және кітап оқуға деген қызығушылығын арттыруға ықпал етеді.