Дүниежүзілік ауыз қуысының денсаулығы күні

Дүниежүзілік ауыз қуысының денсаулығы күні жыл сайын 20 наурызда атап өтіледі және ауыз қуысының гигиенасы мен денсаулығына қатысты мәселелер туралы хабардарлықты арттыруға бағытталған жылдық науқанның басталуын білдіреді. 2025 жылғы 17 наурызда, волонтерлік қозғалыс аясында, стоматология факультетінің студенттері сөйлеу қабілеті нашар балаларға арналған №9 мектеп-интернатта гигиена сабағын өткізді. Еріктілер ауыз қуысына дұрыс күтім жасау туралы шағын спектакль дайындады. Іс-шара соңында «Lacalut» компаниясының қолдауымен балаларға пайдалы сыйлықтар табысталды.