«Jastar Generation – 2025» халықаралық жастар лагеріне қатысу

2025 жылғы 13–16 қыркүйек күндері Алматы қаласында «Jastar Generation – 2025» халықаралық жастар лагері өтті. Іс-шара Қазақстан халқы Ассамблеясының 30 жылдығына орай ұйымдастырылып, еліміздің барлық өңірлерінен келген 80-нен астам жас көшбасшы мен белсенділерді, сондай-ақ Қырғызстан, Өзбекстан, Тәжікстан және Түрікменстанның жастар ұйымдарының өкілдерін біріктірді.

Іс-шараға ұйымдастырушылардың ресми шақыруымен, ҚРМУ Студенттік ассамблеясының жетекшісі ретінде, Алматы қаласының атынан Амангелді Бекзат қатысты.

Лагерь аясында қатысушылар атқарылған жұмыстардың қорытындысын шығарып, тәжірибе алмасты және білім беру, мәдениет және мәдениетаралық ынтымақтастық салаларындағы болашаққа арналған идеяларын ұсынды. Талқылаулар панельдік сессиялар, тренингтер мен воркшоптар форматында өтті, онда жастар өз бастамаларын белсенді түрде білдірді.

ҚРМУ Студенттік ассамблеясы жастар арасында көшбасшылық қабілеттерді, азаматтық жауапкершілікті және этносаралық диалогты дамытуға арналған маңызды алаң ретінде өз беделін тағы да дәлелдеді.