«Мамандыққа алғашқы қадамдар» кәсіби бағдарлау күні
2025 жылдың 28–29 тамызы күндері университетте 1 курс студенттеріне арналған «Мамандыққа алғашқы қадамдар» атты дәстүрлі кәсіби бағдарлау іс-шарасы өткізілді. Екі күн бойы барлық факультеттердің бірінші курс студенттері университеттің тарихымен, дәстүрлерімен және инфрақұрылымымен танысты.
Іс-шараның басты мақсаты — білім алушыларға таңдаған мамандығы бойынша алғашқы сенімді қадамдарын жасауға көмектесу. Студенттер университет құрылымы, білім беру бағыттары, оқу процесінің ерекшеліктері мен көпдеңгейлі білім берудің артықшылықтары туралы ақпарат алды.
Университеттің бірегейлігі мен ерекшеліктеріне, сондай-ақ болашақ мамандар үшін ашылатын мүмкіндіктерге ерекше назар аударылды.
Бірінші курс студенттері университеттің материалдық-техникалық базасымен танысты: кітапханалар мен оқу залдарының жабдықталуы, заманауи компьютерлік сыныптар, оқу-клиникалық орталық, зертханалар, спорт залы, стоматологиялық кабинеттер және басқа да құрылымдық бөлімдер туралы ақпарат алды. Сонымен қатар, іс-шара аясында студенттік ұйымдар жәрмеңкесі өтті, онда бірінші курс студенттері университеттің бейресми өмірімен жақынырақ танысып, пікірлестерін тауып, өз қабілеттері мен бастамаларын жүзеге асыру бағыттарын таңдай алды.
Кәсіби бағдар күні аясында викториналар ұйымдастырылып, нәтижесінде ең белсенді қатысушыларға университет атынан имидждік сыйлықтар табыс етілді.
Кәсіби бағдар күні студенттердің университеттегі оқу мен өмірге бейімделуінің маңызды кезеңіне айналып, оларға мотивация мен таңдаған кәсіби жолына деген сенімділік сыйлады.
