Қазақстан Республикасы күніне арналған конференция
2025 жылғы 22 қазанда университетте «Акушерлік және гинекология» кафедрасының кураторларының ұйымдастыруымен«Қазақстан Республикасының мемлекеттік егемендігі мен тәуелсіздігі: тарихы, қазіргі заман және дамудың жаңа белестері» тақырыбында конференция өткізілді.
Іс-шара Қазақстан Республикасы күніне орай ұйымдастырылып, оның басты мақсаты — студенттердің отансүйгіштік рухын нығайту, азаматтық ұстанымын қалыптастыру және еліміздің мемлекеттік тәуелсіздігінің тарихи маңызын терең түсіндіру болды.
Конференцияға 4, 6 және 7 курс студенттері, сондай-ақ кафедраның оқытушылары қатысты. Конференция барысында кафедраның аға оқытушысы Сансызбаева Р.Ж. құттықтау сөз сөйлеп, мазмұнды баяндама жасады.
Іс-шара барысында қатысушылар Қазақстан мемлекеттілігінің қалыптасу кезеңдерін, елдің тәуелсіздік жылдарындағы жетістіктерін және қазіргі әлеуметтік, экономикалық, ғылыми даму бағыттарын талқылады. Студенттердің баяндамалары өзектілігімен, мазмұндылығымен және тақырыпты терең түсінуімен ерекшеленді.
Конференция ғылыми қызығушылық пен пікір алмасудың белсенді рухында, сондай-ақ Отанға деген мақтаныш сезімінде өтті.
Іс-шараның соңы студенттердің дайындаған әсерлі концерттік бағдарламасымен түйінделіп, барша қатысушыларға көтеріңкі көңіл күй мен мерекелік атмосфера сыйлады.
