Ұрпаққа ұран болған – Ұлы Жеңіс

Главная ❱
Адамзат  тарихындағы  ең  ауыр , ең сұрапыл  соғыстың   аяқталғанына               80 жыл толып отыр. Ұлы  Жеңіс  күні- бәріміз үшін  жүрекке  жылы,  қастерлі  де  қасиетті  күн.
2025 жылдың  5- мамыр күні  Қарасай  батыр  оқу залында  Ұлы  Жеңістің   80 жылдығына  орай «Ұрпаққа ұран болған – Ұлы Жеңіс»  атты  ақпарат  сағаты  өткізілді.
Іс-шара барысында  қазақ  тілі пәнінің оқытушысы  Байырбеков  Марат  Төреханұлы  соғыстың  себеп- салдары, еліміздің соғыс жылдарындағы жағдайы және   Ұлы  Жеңістің  80-жылдығы  туралы  айтып  өтті.
Соғыс туралы өлеңдер оқыған 108Б «Фармация»  тобының  студенттері  Белалов Алладин, Алабаева  Нұржамал, Калымов Альтемир  ерекше толқыныс пен тебіреніс сезімінде болды. Көпшіліктің  көңілінен  шыққан  әсерлі өлең  жолдары соғыс кезіндегі ауыр күндерді көз алдымызға елестетіп, Жеңіс үшін құрбан  болған  ерлердің  ерлігін бір мәрте еске салды.
Жеңіс  күнінің  төл  тарихымыздағы  орны  ерекше. Бұл – жанқиярлықпен  ел  қорғаған  аталарымыз  бен  әкелеріміздің, әжелеріміз бен аналарымыздың  рухына  тағзым ететін күн. Бұл – фашизмді  жеңген ерлердің  ерен  ерлігін  жадымызда  жаңғыртатын  күн .                                                                    Патриоттық  рухты оятатын  бұл  іс-шара  жас  ұрпаққа үлгі болары  анық.                                                                                                                                                                                                                                                                                              
Іс шараның  соңында  кітапханашы  Нұрғазина Л. Г  барлық  қатысушыларға  шынайы алғысын  білдіріп,  оқуда  және болашақ  кәсіби  қызметтерінде табыс пен сәттілік тіледі.  Ол  Жеңіс рухы әрдайым жүрегімізде  жаңғырып, бейбіт өмірдің  нұры  төгілсін  деп іс шараны  қорытындылады.
Казахстанско-Российский

Медицинский Университет

Основан в 1992 году

Ұрпаққа ұран болған – Ұлы Жеңіс
